Elektron avadanlıqların sığortası
Elektron avadanlığın sığortası əmlak sığortasının bir növüdür. Sığorta predmeti, sığorta müqaviləsi üzrə sığortalının əmlakına aid olan elektron cihaz, avadanlıq və ya məlumat hazırlama sistemləri bu sığorta növünə daxildir.
Bu sığorta növünə əsasən ziyana görə maddi xərclər, həmçinin təmir xərcləri və ya zədələnmiş qurğunun dəyişdirilməsi sığorta şirkəti tərəfidən qarşılanır. Məsələn: qısa qapanma, təbii fəlakətlər, şəbəkədə gərginliyin dəyişməsi, materialların yararsız olması, yanğın, partlayış, personalın səhvi, və s.
Elektron avadanlığın sığortası növü ilə aşağıda qeyd olunanlar sığortalana bilər :
- Elektron avadanlıq: hesablama, telekommunikasiya, surət çıxartma texnikası;
- Dəqiq mexanika: ölçü cihazları, foto, kino və videotexnika;
- Diaqnostika və terapiya üçün nəzərdə tutulan tibbi avadanlıq;
- Telekommunikasiya sistemləri;
Elektron avadanlığın sığortası üzrə sığorta riskləri aşağıdakılardır:
- Sığorta olunmuş əmlakın istismarında yol verilən səhvlər, işçi heyətinin ehtiyatsızlığı və ya üçüncü şəxslərin pis niyyətli hərəkətləri
- Elektrik cərəyanının qısaqapanma, cərəyan gücünün və ya elektrik şəbəkəsində gərginliyin kəskin artması formasında təsiri, induksiyalanmış cərəyanın təsiri və ya digər analoji səbəblər;
- Yanğın, şimşək vurması və ya məişət məqsədləri üçün istifadə olunan qaz partlayışı, yanğın söndürülərkən su ilə ziyan dəyməsi;
- Su kəməri, kanalizasiya, istilik sistemlərindən və ya yanğınsöndürmə sistemlərindən su ilə ziyan dəyməsi;
- Zəlzələ, vulkan püskürməsi və yaxud yeraltı od təsiri, dağ uçqunu, sürüşmə, fırtına, qasırğa, tufan, daşqın, dolu, tayfun, sunami, leysan kimi təbii fəlakətlər;
- Qanunsuz yolla daxil olma ilə oğurluq, qarət və yaxud soyğunçuluq hərəkətləri;
- Materialların qüsurluluğu, sığorta olunmuş əmlakın konstruksiyasında, hazırlanmasında və ya montajında səhvlər.
İstədiyiniz məhsulu kredit ilə əldə edin
ABB-dən sərfəli kredit
